Áttu ekki örugglega árskort?

Erró

Kjarval

Ásmundur Sveinsson

Arnar Ásgeirsson

Arnar vinnur í fjölbreytta miðla líkt og myndbönd, teikningar, gjörninga, innsetningar og skúlptúra til að miðla ólíkum frásögnum. Í verkum sínum dregur hann fram hversdagslegar og misþekktar menningartilvísanir, endurgerir og gefur þeim nýja og jafnvel kaldhæðna og fyndna merkingu.

Sertral par

Parkódín kona

Vatnsglas

Sobril fígúra

Íbúfen stúlka og panodil maður

Einar Falur Ingólfsson

Sem ljósmyndari hefur Einar um árabil ferðast um hálendið í leit að fólki sem sækir þangað á eigin forsendum. Hann hittir fyrir einstaklinga sem hver og einn hefur sínar væntingar og skynjar umhverfið á persónulegan hátt. Í ljósmyndaverkunum sjáum við stundum þetta fólk en líka ummerki þess, eða þau spor sem það skilur eftir sig. Myndirnar endurspegla ofurhversdagslegar þarfir eins og húsaskjól, fararskjóta, salernisaðstöðu og matarföng – allt frammi fyrir ægifögru umhverfi öræfanna. Úr myndröðinni Hálendi sem listamaðurinn hefur unnið að frá 2010.

Kerlingafjöll

Landmannalaugar

Við Landmannaleið

Magnús Pálsson

Minning Þórarins Nefjólfssonar

Kristján Steingrímur Jónsson

Kristján Steingrímur spáir í það hvernig við tengjumst hinum ýmsu stöðum. Hann skoðar umhverfið og aðstæður en tekur síðan með sér mold eða sand frá staðnum og notar í listaverk. Hér hefur hann tekið jarðefni frá eldfjallinu fræga, Heklu, og búið til málverk. Hann málar ekki mynd af fjallinu heldur notar efnið beint og býr til ólíka litafleti.

H5, H3, H4

Sigurður Árni Sigurðsson

Fullkominn garður - módel

Rautt samhengi

Í Goðahverfinu er að finna listaverk gerð af Arnari Ásgeirssyni, hugsuð sem kennileiti fyrir hverfið. Þar er að finna mistiltein í formi örvar sem banaði Baldri, alsjáandi auga Óðins og veggmynd alsetta táknmyndum allra goðanna úr hverfinu. Frekari upplýsingar um verkin og staðsetningar er að finna í smáforriti Listasafns Reykjavíkur um útilistaverk „Reykjavik Art Walk“

Hrafnhildur Arnardóttir / Shoplifter

Verk Shoplifter eru unnin með mislitu gervihári eins og notað er í hárlengingar. Það er eins og snjóhús í laginu eða hellir þar sem maður er umvafinn litum og mýkt. Heiti verksins er orðaleikur því „chromosome“ þýðir litningur („chroma“ er litur og „soma“ líkami) en hér er blandað saman orðunum litur og rými („chroma“ og „zone“).

Chromazone

Haraldur Jónsson

Haraldur leitast iðulega við að myndgera, efla og móta það sem venjulega er hulið, hversdagslegt eða án víddar. Hvert nýtt verk krefst nýrrar nálgunar á efni og miðil. Í Miði notar listamaðurinn litað plexígler, trétappa og farða, grípur augnablik og dregur athygli okkar að efniviðnum. Þar kann að leynast mynd af einhverju eins og snertingu, jafnvægi og hinu ósagða.

Mið

Tunga

Unndór Egill Jónsson

Verk Unndórs er heillandi vél sem er haganlega smíðuð úr viði. Handsmíðuð hjól, tannhjól 
og annar búnaður tengist í eitt gangvirki sem gaman er að fylgjast með. Á vissum tímum 
slær vélin á málmplötu og hringir þá eins og bjalla. Svo ýtir vélin við spýtu sem hrekkur við, 
samanber heiti verksins, Spýtu bregður.

Spýtu bregður

Þóra Sigurðardóttir

Lóð og láð - a

Lóð og láð - 1

Katrín Elvarsdóttir

Myndirnar tvær eru af því sama, bananaplöntu undir berum himni í Kína. Sú minni er í náttúrulegum litum en í þeirri stærri er litunum snúið við í andhverfu sína. Þar virkar myndin enn meira framandi og undarleg. Það minnir á að bananar eru framandi ávextir sem vaxa í öðru loftslagi en hér á landi. Samt er hægt að kaupa banana úti í búð allt árið um kring.

Bananaplanta á Shamian eyju

Kristján Guðmundsson

Innrömmuð teikning

Anna Júlía Friðbjörnsdóttir

Anna Júlía hefur gert nokkur verk þar sem hún ímyndar sér að umhverfið sé að reyna að senda manninum skilaboð. Verkin eru steyptar lágmyndir sem minna á steingervinga. Titlar verkanna vísa í kallmerki í Mors-kóða þar sem tákn eru mynduð með stuttum og löngum einingum. Í þessu verki má greina stutt og löng boð og lesa: „Gefðu upp stöðu þína með sjónrænum merkjum.“ Anna Júlía bendir á að kannski hefur maðurinn tapað hæfileika til að lesa í og skilja náttúrulegt umhverfi sitt.

FC2 (Gefðu upp stöðu þína með sjónrænum merkjum)

Anna Júlía hefur gert nokkur verk þar sem hún ímyndar sér að umhverfið sé að reyna að senda manninum skilaboð. Verkin eru steyptar lágmyndir sem minna á steingervinga. Titlar verkanna vísa í kallmerki í Mors-kóða þar sem tákn eru mynduð með stuttum og löngum einingum. Í þessu verki má greina stutt og löng boð og lesa: „Ég hef misst sjónar af þér.“ Anna Júlía bendir á að kannski hefur maðurinn tapað hæfileika til að lesa í og skilja náttúrulegt umhverfi sitt.

EP ( Ég hef misst sjónar af þér)

Safneign-eldra

Safneign