Ásmundur Sveinsson

Erró

Kjarval

Kristján Guðmundsson

Kristján Guðmundsson hefur ástundað listsköpun á mínimalískum og hugmyndafræðilegum grunni. Hann túlkar gjarnan tímann í verkum sínum sem hann myndgerir með teikningu. Lengsta nótt á Íslandi er afsprengi slíkra tilrauna þar sem svört lína liggur enda á milli í sýningarsalnum. Kristján sýndi fleiri mislöng verk í sama anda þegar hann var fulltrúi Íslands á Feneyjatvíæringnum árið 1982 og bar saman lengd nátta heimalandsins við nætur á Ítalíu.

Lengsta nótt á Íslandi

Huginn Þór Arason

Án titils

Hrafnkell Sigurðsson

Speglað landslag

Gjörningaklúbburinn

Allt sem andann dregur

Eggert Pétursson

Hringur eftir Eggert Pétursson var kærleikskúla ársins 2007.

Hringur

Halla Gunnarsdóttir

Verkið er staðsett við Tjörnina.

Styttan sýnir Tómas Guðmundsson skáld þar sem hann situr ungur að árum á bekk með krosslagða fætur og styður hönd undir kinn. Engu er líkara en að þarna hafi Tómas gert hlé á göngu og tyllt sér niður. Fasið er rólegt en íhugult og hann horfir með bros á vör yfir að Menntaskólanum í Reykjavík þar sem hann eitt sinn sat í hinum fræga sextán skálda bekk ásamt Halldóri Laxness og öðrum póetískum unglingum. Setjast má hjá Tómasi á bekkinn og njóta þess að horfa á það umhverfi við Tjörnina sem hann gerði að yrkisefni. Skammt er frá styttunni að Ráðhúsi Reykjavíkur þar sem erindi úr tveimur ljóðum skáldsins, Júnímorgni og Við Vatnsmýrina, eru skráð í glugga sem snúa út að Tjarnargötu og Iðnó. Sá Tómas sem hér situr á bekk er léttklæddur eins og á vori en jakkaföt hans og hárgreiðsla skírskota til fjórða áratugar liðinnar aldar þegar ljóðabókin Fagra veröld kom út árið 1933 með mörgum af frægustu Reykjavíkurljóðum Tómasar. Þá var hann 32 ára. 

Verkið hefur skýra vísun til Reykjavíkur sem felst meðal annars í borgarbekknum sem styttan situr á. Fyrir daga Tómasar höfðu fá ljóðskáld gert Reykjavík að yrkisefni, þar var hann brautryðjandi og hefur því oft verið kallaður „borgarskáldið“.

Myndhöggvarinn Halla Gunnarsdóttir stundaði nám í höggmyndalist í New York, Flórens á Ítalíu og San Miguel de Allende í Mexíkó. Verk hennar hafa verið sýnd á Akureyri og í Reykjavík, svo og í New York og Washington í Bandaríkjunum.

Tómas Guðmundsson (1901-1983)

Jóhann Eyfells

Verkið er staðsett við Sæbraut.

Verk Jóhanns Eyfells er afrakstur tilrauna með að hella fljótandi málmi ofan í jarðvegsmót. Hann gróf holu í jarðveginn og verkið er í raun afsteypa hennar á hvolfi. Ófyrirséð samspil ýmissa þátta í ferlinu leiðir til óvæntrar niðurstöðu. Verkinu má líkja við Reykjavíkurvörðuna sem hann vann árið 1969 og stendur á Klambratúni. Verkin bera senn í sér mynd vörðunnar og hrauns sem hleðst upp og storknar í slíkri kynjamynd. Hugmyndin að vörðunum er tenging við vörður sem vegvísa aldanna. Þótt Jóhann Eyfells hafi eytt megninu af starfsævi sinni vestanhafs er tengingin við Ísland augljós, bæði við jarðfræði og sögu.

Íslandsvarðan

Hreinn Friðfinnsson

Snerting

Collection